Barella objektivi i Romës për mesfushën

Roma nuk është duke kaluar nëpër një moment të mirë këtë edicion në Serie A.

Giallorosët kanë humbur hapin me skuadrat tjera për titullin e kampionit dhe tani objektivi i tyre është të zënë një vend që i dërgon në Ligën e Kampionëve.

Kësisoj trajneri i Romës, Eusebio Di Francesco ka kërkuar nga drejtuesit e klubit futbollist të rinj gjatë afatit kalimtar të janarit.

Objektivi kryesor i Romë për repartin e mesfushës është anëtari i Cagliarit, Nicolo Barella.

21-vjeçari ka shkëlqyer në dy edicionet e fundit në Serie A me fanellën e Cagliarit dhe ka zgjuar interesimin e shumë skuadrave të mëdha.

Drejtori sportiv i Romës, Monchi ka pasur disa takime me krerët e Cagliarit për mesfushorin italian.

Problem mbetet çmimi i lartë që Cagliari po kërkon për yllin e tyre prej 50 milionë eurove.

Roma është e gatshme të ofrojë vetëm 35 milionë euro për Barellan plus pesë të tjera në formë bonusesh.

Kujtojmë që në garë për talentin e madh italian janë edhe Interi, Napoli, Milan dhe Juventus. /Telegrafi/