Barcelona i ka vënë prioritet vetes rinovimin e kontratës së mbrojtësit Samuel Umtiti dhe shumëfishimit të klauzolën së lirimit prej 60 milionë euro që është aktualisht.
Umtiti po zhvillon ndeshje të mëdha me fanellën e gjigantëve katalunas dhe është kthyer në një pikë referuese për formacionin e Ernesto Valveres.
Paraqitjet e tij të mira kanë bërë që shumë skuadra të mëdha evropiane të vihen pas shërbimeve të tij duke parë edhe klauzolën e vogël të largimit prej 60 milionë eurosh.
Marrëveshja aktuale e mbrojtësit francez shkon deri në qershor të vitit 2021, por klauzola e lirimit konsiderohet të jetë jashtëzakonisht e ulët në lidhje me rëndësinë e tij ndaj klubit.
Umtiti është bërë mur i pakalueshëm në mbrojtjen e Barcelonës (Getty Images)
Manchester City njoftohet se u përpoq të fillonte një ofertë për 24-vjeçarin francez, por Diario Sport raporton se gjigantët katalanas tani do të punojnë drejt një rinovimi.
I transferuari nga Lyoni në verën e vitit 2016 ka bindur padyshim drejtuesit dhe ata thonë se dëshirojnë të zgjasin marrëveshjen e tij me dy vjet të tjera.
Përveç kësaj, drejtuesit katalunas duan edhe të rrisin klauzolën e tij në plot 200 milionë euro.
Ndryshe, Umtiti ka filluar të cilësohet edhe si idhull i ri i tifozëve nga Camp Nou. /Telegrafi/
