LAJMI I FUNDIT:

Banka Qendrore e Republikës së Kosovës shënon 25-vjetorin e themelimit

Banka Qendrore e Republikës së Kosovës shënon 25-vjetorin e themelimit

Banka Qendrore e Republikës së Kosovës (BQK) ka shënuar 25-vjetorin e themelimit me një Konferencë Ndërkombëtare të nivelit të lartë me titull “Ndërtimi i urave përtej kufijve, ndërtimi i ardhmërive: Integrimi në SEPA për gjithëpërfshirje financiare – fuqizimi i rritjes dhe reziliencës”. 

Në këtë ngjarje ndërkombëtare marrin pjesë udhëheqës të lartë të Fondit Monetar Ndërkombëtar (FMN), të Grupit të Bankës Botërore (BB), zyrtarë të lartë të institucioneve të vendit dhe ndërkombëtar, guvernatorë të bankave qendrore të rajonit e të vendeve evropiane dhe drejtues të institucioneve të tjera financiare.

Pjesëmarrësve me një fjalë mirëseardhje i është drejtuar nikoqiri i kësaj Konference, Ahmet Ismaili – Guvernator i BQK-së.


Të pranishmëve me një fjalim hyrës i është drejtuar edhe Vjosa Osmani Sadriu, presidente e Republikës së Kosovës.

Po ashtu, këtë Konferencë Ndërkombëtare të organizuar me rastin e 25-vjetorit të BQK-së përmes një video-mesazhi e ka uruar Kristalina Georgieva – Drejtoreshë Menaxhuese e FMN-së.

Derisa, fjalimin kryesor e ka mbajtur, Robert Holzmann – Guvernator i Bankës Kombëtare të Austrisë.

Gjatë kësaj Konference janë paraparë të mbahen tri sesione shkencore, me pjesëmarrje të Guvernatorit dhe Zëvendësguvernatorit të BQK-së, Guvernatorëve të rajonit dhe vendeve të BE-së si dhe drejtuesve të lartë të institucioneve financiare ndërkombëtare:

Integrimi në SEPA, transformimi digjital dhe implikimet për shërbimet financiare;

Përmirësimi i stabilitetit financiar në peizazhin në ndryshim; dhe

Ndërmjetësimi financiar brenda sektorit bankar në rajon.

Gjithashtu, do prezantohet studimi “Pagesat dhe transaksionet pa para të gatshme: Si veprojnë qytetarët në Ballkanin Perëndimor” nga Julia E. Wörtz, nga Banka e Qendrore e Austrisë.

Tema e konferencës do të elaborohet edhe nga ekspertët ndërkombëtarë të cilët kanë ndihmuar BQK-në lidhur me reformat përkatëse

Punimet e kësaj Konference do të përmbyllen nga Bashkim Nurboja, kryetar i Bordit të BQK-së. /Telegrafi/

Në trend Ekonomi

Më shumë
Pranvera nuk ka nisur kështu më parë! Volvo me zbritje të çmendur deri në 20,000€!

Pranvera nuk ka nisur kështu më parë! Volvo me zbritje të çmendur deri në 20,000€!

Ekonomi
Köln dhe Bremen, destinacionet e reja me çmime speciale nga PrishtinaTicket!

Köln dhe Bremen, destinacionet e reja me çmime speciale nga PrishtinaTicket!

Ekonomi
GiFi së shpejti në Prizren – Një destinacion i ri për blerje në GALERIA Shopping Mall

GiFi së shpejti në Prizren – Një destinacion i ri për blerje në GALERIA Shopping Mall

Ekonomi
Juss – pija që ofroi freski në iftaret e organizuar nga Islamic Relief

Juss – pija që ofroi freski në iftaret e organizuar nga Islamic Relief

Ekonomi
Wiz Khalifa i pasionuar pas tepihut të punuar nga kompania kosovare ZiuuRugs

Wiz Khalifa i pasionuar pas tepihut të punuar nga kompania kosovare ZiuuRugs

Ekonomi
Reagon Bajrami: Qytetarët do të paguajnë 15% më shumë për faturat e energjisë elektrike nga 1 prilli

Reagon Bajrami: Qytetarët do të paguajnë 15% më shumë për faturat e energjisë elektrike nga 1 prilli

Ekonomi
Kalo në kategori