Banderas rrëfen për ndryshimet në mënyrën e jetesës pas problemeve në zemër

Dihet shumë pak se aktori i famshëm, Antonio Banderas, kishte luftuar për jetën dy vjet më parë. Ai ishte shëruar me sukses nga një infarkt në zemër, por është ende vigjilent dhe i vetëdijshëm se problemet me zemrën janë çështje serioze që nuk pushojnë.

“E dija se shëndeti im është kompromentuar seriozisht, kam problem me zemër, por dy vjet më parë kur kam pasur sulm, e pashë këtë shumë qartë. Vdekja ishte e vërtetë”, citohet të ketë thënë aktori.

Lexo po ashtu Të gjitha lajmet nga Antonio Banderas

58-vjeçari ka shtuar se shëndeti e detyroi të ndryshojë seriozisht mënyrën e tij të jetesës – transmeton KP.

“Braktisa duhanin. Nisa të merrem me sport. Marr barnat e përshkruar nga mjekët. Mendova të punoj më pak, por pastaj ndërrova mendjen, pasi puna më mungonte në jetë. Gjendja ime natyrale është lodhja, por unë arrij t’ia dal shumë mirë”, ka theksuar Banderas.

Përveç duhanit, Antonio ka vendosur të ndryshojë mjedisin jetësor, ashtu që me partneren aktuale, Nicole Kimpel, në vend të Kalifornisë, jetojnë në një zonë të qetë të Londrës.

Njëherësh, aktori i popullarizuar ka një pronë në vendlindjen e tij në Spanjë, si dhe një apartament luksoz në New York.