Ballkani konfirmon largimin e Edvin Kuc dhe Armend Thaqit

Kampioni i Kosovës, Ballkani ka konfirmuar edhe zyrtarisht largimin e dy kapitenëve të ekipit, Edvin Kuc dhe Armend Thaqi.

Dy nga më të mirët e Ballkanit në vitet e fundit, Kuc dhe Thaqi deklaruar para disa ditësh së do të vazhdojnë karrierën larg Ballkanit.

Mesfushori nga Mali i Zi karrierën pritet të vazhdojë në Neftchi Baku, ndërsa Thaqi në Rumani te CFR Cluj.

Largimi i tyre tashmë është konfirmuar edhe nga faqja zyrtare e Ballkanit me anë të një postimi, ku ka falënderuar për kohën.

Postimi pa ndërhyrje i Ballkanit

Kanë zbritur në fushë për qindra ndeshje!

Në secilën prej tyre veç e veç, u parqitën me motiv e përkushtim të  jashtëzakonshëm, duke dhënë shembullin tipik se si duhet sakrifikuar për skuadrën dhe fanellën që bartën.

Atë e djersitën me vetëmohim në çdo minut të betejave futbollistike, e jo rrallë edhe të gjakosur nuk u dorëzuan, duke vazhduar të luftojnë për qëllimet dhe objektivat e klubit.

Ta kesh një kalibër të futbollistit të tillë për ta udhëhequr skuadrën, do të thotë shumë, kurse ne ishim edhe më me fat, pasi dy liderë të tillë i kishim në fushë.

Edvin Kuç dhe Armend Thaqi janë modeli që do t’u shërbejë gjeneratave, janë kulminacioni i profesionistëve sportiv, definicioni i vërtetë i titullit kapiten!

Të gjitha sukseset tona historike, janë të lidhura ngusht me kontributin e çmuar dhe të pa harruar të dy yjeve tanë. Ata do të mbetën përjetësisht kapitenët unik, që si të tillë motivuan bashkëlojtarët e tyre edhe në momente prej më të vështirave, e prijës të tyre ishin edhe në rrugën drejt glorifikimit.

Faleminderit legjenda të FC Ballkanit, ky klub do mbetet shtëpia juaj e përhershme, ku ju presim sërish!

/Telegrafi/