Balkan Natural Adventure publikon raportin e parë të qëndrueshmërisë pas certifikimit Travelife

Balkan Natural Adventure (BNA), një kompani lider në turizmin e aventurës në Ballkanin Perëndimor, njofton për publikimin e raportit të saj të parë të qëndrueshmërisë që nga marrja e certifikimit Travelife Partner. Ky raport përmbledh progresin e kompanisë në përmirësimin e praktikave të turizmit të qëndrueshëm, mbrojtjen e mjedisit dhe përfshirjen e komuniteteve lokale.

Pas arritjes së certifikimit Travelife Partner, BNA ka punuar për të integruar qasjen e qëndrueshme në të gjitha aspektet e operacioneve të saj. Raporti i publikuar rishtas ofron një pasqyrë të arritjeve kryesore, përfshirë përmirësimin e menaxhimit mjedisor, zbatimin e politikave të drejtësisë në punë e asaj sociale dhe rritjen e bashkëpunimit me komunitetet lokale. Gjithashtu, raporti përcakton objektivat për të ardhmen në drejtim të turizmit të përgjegjshëm, duke siguruar që aventurat në natyrë të sjellin përfitime afatgjata për mjedisin dhe komunitetet.

“Ne jemi të përkushtuar për të vendosur një standard të ri për turizmin e aventurës të qëndrueshëm në Ballkan,” tha Nol Krasniqi, CEO i Balkan Natural Adventure.

“Ky raport nuk është vetëm një reflektim i arritjeve tona, por edhe një udhërrëfyes për përpjekjet tona të vazhdueshme për të mbrojtur natyrën, për të fuqizuar komunitetet lokale dhe për të ofruar përvoja autentike dhe të përgjegjshme për udhëtarët.”

Pikat kryesore të raportit:

Mbrojtja e mjedisit: Reduktimi i mbetjeve plastike dhe promovimi i alternativave ekologjike për klientët.

Angazhimi në komunitet: Zgjerimi i bashkëpunimit me bizneset lokale, akomodimet dhe guidat për të siguruar shpërndarje të drejtë të përfitimeve nga turizmi.

Mirëqenia e punonjësve: Përmirësimi i politikave për paga të drejta, trajnime sigurie dhe zhvillim profesional.

Praktikat e turizmit të qëndrueshëm: Zbatimi i politikave për të minimizuar ndikimin ekologjik të tureve, përfshirë menaxhimin e përgjegjshëm të mbetjeve dhe kujdesin ndaj natyrës.

Tutje, thuhet se ky raport përfaqëson një moment të rëndësishëm për BNA ndërsa kompania vazhdon të përmirësojë strategjinë e saj të qëndrueshmërisë. Me këtë hap, BNA fton klientët, partnerët dhe aktorët e industrisë të bashkohen në ndërtimin e një të ardhmeje më të qëndrueshme për turizmin në rajon.

Raporti i plotë është i disponueshëm në faqen zyrtare të Balkan Natural Adventure: https://bnadventure.com/3819-2/

Rikujtojmë se Balkan Natural Adventure është një kompani e njohur për turzimin e aventures , e specializuar në ecje, alpinizëm dhe përvoja kulturore në Kosovë, Shqipëri dhe Mal të Zi. Me një përkushtim të fortë ndaj turizmit të qëndrueshëm, BNA ofron guida të shkëlqyera, përfshirë Peaks of the Balkans, duke siguruar që turizmi të sjellë përfitime si për natyrën ashtu edhe për komunitetet lokale.