Aziri: Shteti përfiton nga çmimet e naftës, qytetarët plaçkiten e varfërohen

Aleanca për Shqiptarët ka dalë me reagim në lidhje me rritjen e çmimeve të derivateve të naftës në Maqedoni. Deputeti i kësaj partie, Elmi Aziri, thotë se ata kanë bërë propozime konkrete me qëllim që në këto kohë të krizës energjetike të mbrohen konsumatorët. N

Aziri tha se ata kanë propozuar ulje të TVSH nga masa 18 % në atë 5%, uljen e akcizës për benzinën nga 22,00 denarë në 15,00 denarë e për dizelin nga 15,50 denarë në 9,00 denarë, si dhe uljen e marzhës së tregtimit në një vlerë fikse jo më shumë se 3,00 denarë.

“Kjo qeveri nuk i merr parasyshë këto propozime e sugjerime të ASH dhe ka ofruar masa gjysmake të cilat nga 01.06.2022 i ka hequr dhe të njëjtat edhe pse ishin gjysmake tani më nuk aplikohen. Një propozim tjetër i ASH që është propozuar e nuk është marrë parasysh nga kjo qeveri, është ajo që në kohen kur çmimet e derivateve të naftës në tregjet botërore shënojnë rritje te larta, e duke e ditur se një nga komponentet kryesore për formimin e çmimit të tregtimit të derivateve të naftës jane çmimi i këtij energensi në tregjet botërore dhe kursi i këmbimit të dollarit në bursë, ASH ka propozur ngrirje të TVSH në një masë të limitit maksimal dhe pavarsisht se si do të lëviznin çmimet e derivateve të naftës në tregjet botërore, pjesa e TVSH që do të paguanin konsumatorët për këto derivate të fiksohej në një vlerë fikse. Por edhe këtë masë kjo qeveri nuk po e zbaton dhe nuk e merr parasyshë”.

“Por qytetarë të nderuar e dini pse kjo qeveri nuk i zbaton këto propozime? Nga analiza që kemi kryer janë krahasuar çmimet e derivateve të naftës me datë 28.02.2022 dhe ato që janë aktuale sot me 03.06.2022 denarë. Theksin e kemi vënë mbi tatimin mbi vlerën e shtuar ( TVSH ) e cila edhe me datë 28.02.2022 është në masën 18 % poashtu edhe me datë 03.06.2022 është në masën 18 %, pra në pjesën e përqindjes nuk ka ndryshim aplikohet e njëta normë tatimore në vlerë prej 18%”, thotë Aziri.

Ai gjithashtu theksoi se “nuk ka qeveri në botë, kjo edhe në vendet më totalitare, që në këtë kohë krize energjetike shteti të aplikojë masa që ta mbush buxhetin e shtetit, e qytetarët e vet t’i zhytë në varfëri të skajshme”.