Avokati zbulon detaje nga operacioni anti-drogë: E ndoqën të huajt nga afër, s’kishin besim te policia shqiptare

Meritat për zbulimin e laboratorit të kokainës në Qerekë të Krujës nuk duhet t’i marrë as Policia e Shtetit dhe as SPAK.

Kjo sipas avokatit Kujtim Cakrani, u shpreh për A2 CNN se këto institucione kanë dështuar që të parandalojnë veprimtarinë e grupeve kriminale.

Të gjitha hetimet për rastin në fjalë sipas Cakranit kanë nisur pas ardhjes së informacioneve të detajuara nga partnerët tanë nga Holanda.

“Kanë qenë prokurorët holandezë që kanë hetuar prej vite të tëra….Kanë ardhur në Shqipëri për ta kontrolluar operacionin nga afër, duke mos pasur fare besim te autoritetet shqiptare. Janë institucione që kanë dështuar në punët e tyre për ta parandaluar krimin e organizuar. Shqipëria, sot është si Meksika apo Italia e viteve ’80,” shpjegon Cakrani.

Sipas dështimin e autoriteteve për të t’u vënë fre bandave kriminale e tregon fakti që gjenden laboratorë droge në vende ku banojnë politikanët e lartë, kryetarët e bashkive e personazhe VIP.

“Në këtë vend është politika që i jep suport krimit edhe trafikut ndërkombëtar. Se po të donte ta luftonte aty e ka. Kjo bëhet për vjedhjen e votave, se po vijnë edhe zgjedhjet”.