Avokati i Popullit do të hetojë rastin me foshnjën me tuberkulozë që ndërroi jetë në Klinikën e Fëmijëve në Shkup

Avokati i Popullit ngriti rast me iniciativën e tij, për të hetuar të gjitha rrethanat e situatës me foshnjën e cila ishte sjellë në Klinikën për sëmundje të fëmijëve, i infektuar me tuberkuloz në gjendje të rëndë shëndetësore, e cila ndërroi jetë pas përkeqësimit të mëtejshëm të gjendjes së tij.

Avokati i Popullit do të kërkojë përgjigje duke filluar nga kujdesi dhe ushqyerja me foshnjën, e deri te funksionimi i shërbimeve sociale.

Më parë, babai mohoi që foshnja e tij e sjellë në spital me vetëm tre kilogramë të ishte e lënë pas dore dhe e kequshqyer, siç u raportua fillimisht në publik, por tha se kishte lindur para kohe, përcjell Telegrafi Maqedoni.

Lexo po ashtu Ndërron jetë foshnja nëntëmuajshe nga Kumanova, e cila u soll në gjendje të rëndë në Klinikën për Fëmijë

Edhe shërbimet sociale në Kumanovë kanë bërë kontrolle dhe kanë konstatuar se nuk ka mangësi në përkujdesjen dhe kujdesin e foshnjës.

Aktualisht në spital është e shtruar nëna, e cila po ashtu vuan nga tuberkulozi, ndërsa pozitiv për sëmundjen janë edhe babai dhe fëmijët, por për momentin nuk kanë simptoma.

Përkundër faktit se pothuajse të gjithë në vend janë të vaksinuar kundër kësaj sëmundjeje, tuberkulozi herë pas here shfaqet në Maqedoni.

Vitin e kaluar në klinikën e fëmijëve ishin dy pacientë të cilët u dërguan në Kozle dhe u shëruan me sukses./Telegrafi/