Avokati Jovica Strashevski është paraqitur në procedurë disiplinore në Odën e Avokatëve

Oda e Avokatëve të Republikës së Maqedonisë së Veriut të gjitha materialet e mbledhura në lidhje me korrespodencën midis Gjykatës Themelore Penale-Shkup dhe avokatit Jovica Strashevski do ti dorëzojë organeve disiplinore të Odës që janë kompetent për të përcaktuar shkeljen e mundshme të bërë nga avokati.

“Oda e Avokatëve të Republikës së Maqedonisë së Veriut sot mori një raport me shkrim nga Gjykata Themelore Penale e Shkupit në lidhje me presionet e pretenduara nga një avokat në rastin “TNT”. Një kërkesë është pranuar gjithashtu nga Gjykata me bashkëngjitur e avokatit Jovica Strashevski nga Shkupi për lejen e tij të mungesës prej 8 janari deri më 17 janar, për të cilin Gjykata konsideron se ka për qëllim ekskluzivisht të vonojë dhe pengojë procedurën penale dhe për të cilën ai kërkon nga Oda të ndërmarrë veprime konkrete për sanksionimin e tij”, thuhet në deklaratën Odës së Avokatëve.

Nga Oda e Avokatëve të RMV-së shprehen se pasi të mbledhë të gjitha provat, me qëllim të vërtetimit të gjendjes faktike, do t’i dërgojë ato pranë organeve disiplinore të Odës, të cilat janë kompetente për përcaktimin e ndonjë shkeljeje të bërë nga një avokat./Telegrafi/