Avokatët e Mijallkovit: Arrestimi është bërë për shkak të arratisjes së Nikolla Gruevskit

Caktimi i masës për paraburgim për ish-drejtorin e DSK-së, Sasho Mijallkov është politike, por jo vendim i drejtë, thonë nga grupi i avokatëve të Sasho Mijallkovit, në reagimin që vjen pas katër ditësh pas arrestimit të klientit të tyre, përcjell Telegrafi Maqedoni.

“Argumentet e PSP-së nuk tregojnë realitetin. Ligji shkelet në tri baza të cilat japin dyshim se bëhet fjalë për të drejtë dhe drejtësi por për politikë. Së pari, në kundërshtim me të gjitha konventat, Mijallkov dhe ne, si mbrojtja e tij, nuk jemi thirrur për të thënë asgjë në lidhje me kërkesat e PSP-së. Së dyti, nuk ka argument se ka ndonjë ndryshim në rrethanat në lidhje me rastet që po zhvillohen kundër Mijallkov. Së treti, argumentet e paraqitura me kërkesën e PSP-së janë krejtësisht të pabazuara. Mbrojtja e Mijallkovit kundërshton fuqishëm pretendimet e PSP-së se ai ka ndonjë lidhje me 11 milionë euro të dyshuar për të cilat u kërkua paraburgim, ndërsa gjykata e miratoi atë. Mbrojtja kërkon që prokuroria dhe gjykata publikisht të zbulojnë provat e të akuzuarve, nga shkaku se ne pretendojmë se nuk ekzistojnë dhe se transaksionet e pretenduara nuk kanë lidhje me Mijallkovin”, thuhet në reagim.

Në reagim thuhet se masa e paraburgimit është e jashtëligjshme për shkak se, sipas mbrojtjes së Mijallkovit, ai që një vit respekton masat e caktuara të kujdesit, paraqitet në të gjitha thirrjet nga gjykata dhe prokuroria.

“Pas të gjithave, dita kur është arrestuar ai është paraqitur në PSP-së me ftesë të Katica Janevaa dhe nuk ka planifikuara apo të ndërmarrë veprime për tu arratisur. Së fundi, e gjithë pasuria e cila ka Mijallkov është listuara publikisht në të dhënat publike në Maqedoni dhe jashtë vendit, ndërsa kjo pasuri është e njohur tashmë për gjykatën dhe prokurorinë, por gjykata dhe prokuroria nuk ka marrë në konsideratë këtë. E vetmja arsyet për të cilën Mijalkovit iu caktua masa e paraburgimit është arratisje e Nikolla Gruevskit, gjegjësisht të fshehur paaftësinë dhe joprofesionalizmin e autoriteteve shtetërore”, thuhet në deklaratën e avokatëve të Mijallkovit./Telegrafi/