Autoriteti bankar europian: do të ketë lehtësime

Rregullatorët globalë do të bëjnë ndryshime të mëdha për të lehtësuar ndikimin e rregullave të reja të kapitalit për bankat dhe Bashkimi Europian nuk duhet t’i refuzojë negociatat, thotë mbikëqyrësi i bankingut në rajon.

Zyrtarët e BE kanë paralajmëruar se nuk do t’i apikojnë rregullat e reja nëse sjellin kërkesa të mëdha për kapitalin, duke u shqetësuar se mund të kufizojnë fluksin e huadhënies në ekonomi.

Banka në Eurozonë si Deutsche Bank, që përballen me vështirësi, ka gjasa të goditen nëse nuk bëhen ndryshime. Andrea Enria, kryetari i Autoritetit Bankar Europian, thotë se pret që Komisioni i Bazelit të bëjë ndryshime të mëdha për të lehtësuar impaktin e rregullave të planifikuara kur të mblidhet këtë muaj.

Komisioni takohet në Kili më datë 28 nëntor për të finalizuar rregullat që caktojnë limite për modelet e përdorura nga disa banka për të përcaktuar kapitalin rregullator pasi mbikqyrësit kanë zbuluar variacione të mëdh në kalkulime.

“Kemi një problem që duhet ndrequr. Statusi aktual nuk është më një opsion i zbatueshëm”, thotë Enria, që merr pjesë në takimet e Bazelit, drejt Komisionit për çështjet ekonomike të Parlamentit Europian. Miratimi i parlamentit do të duhet për të aplikuar rregullat e reja të Bazelit në BE.

Bankat globale kanë thënë se pa ndryshime, ato do të përballen me rritje të ndjeshme të kapitalit rregullator, dhe Enria thotë se do të ketë rishikime kritike. Për të tërhequr miratimin e parlamentit ai thotë se propozimi përfundimtar do të jetë në përputhje me kërkesat e institucioneve.

Deniele Nouy, kreu i njësisë së Bankës Qendrore Europiane që mbikëqyr huadhënësit kryesorë në Eurozonë, tha se është kritike që reformat e Bazelit të mos sjellin rritje të mëdha në kërkesat për kapitalin rregullator.

Paketa e Bazelit ashpërson gjithashtu kërkesat për kapital për riskun e gjobave të mëdha nga veprimet e padrejta, si në rastin e Deutsches me autoritetet në SHBA, por Guvernatori i Bankës së Anglisë Mark Carney ka thënë se ky propozim do të reduktohet gjithashtu. /Telegrafi/