Një aksident me vdekje ka ndodhur mëngjesin e sotëm në Tiranë.
Burime nga policia thanë se rreth orës 08:30 është marrë njoftimi se tek “Ura e Institutit” një autobus linje ka aksidentuar një këmbësore.
Në vendngjarje kanë mbërritur shërbimet e policisë dhe ambulanca, ku nga verifikimet paraprake rezulton se Tek “Ura e Institutit”, autobusi i linjës së Kamzës, me drejtues shtetasin B. Ç., ka aksidentuar me vdekje, një grua ende të paidentifikuar, të moshuar.
Mjeti dhe drejtuesi ndodhen në vendngjarje. Po kryhen veprimet nga shërbimet e policisë.
