Australia ka hapur kufijtë për të huajt e vaksinuar pas një ndalimi gati dy-vjeçar

Shfaqja e një varianti të ri të Omicron ka detyruar zyrtarët të shtyjnë rihapjen për dy javë pasi zyrtarët shëndetësorë kërkuan një pushim të përkohshëm për të marrë më shumë informacion rreth llojit, i cili duket se po shfaq simptoma më të buta se variantet e tjera të COVID-19.

“Ne do të jetojmë me këtë virus dhe nuk do ta lëmë atë të na tërheqë atje ku kemi qenë”, tha kryeministri Scott Morrison për radion 4BC.

“Ne kemi një nga normat më të larta të vaksinimit, që do të thotë se mund ta luftojmë këtë gjë. Nuk duhet të heqim dorë”, tha ai.

Australia ka vaksinuar gati 90 për qind të popullsisë së saj mbi moshën 16 vjeç me dy doza dhe ka shkurtuar kohën e pritjes për doza shtesë pas rasteve të Omicron, raporton cnn.

Lehtësimi i rregullave kufitare pritet të zbusë mungesën e fuqisë punëtore, e cila kërcënon të pengojë rimëkëmbjen ekonomike.

Kthimi i studentëve të huaj, me vlerë rreth 25 miliardë dollarë në ekonominë australiane, do të ndihmojë kompanitë të plotësojnë shumë vende pune të rastit. Më shumë se 235 mijë të huaj, duke përfshirë rreth 160 mijë studentë, kishin viza në Australi në fund të tetorit, tregojnë shifrat zyrtare.

Australia ka regjistruar rreth 235,500 raste dhe 2,117 vdekje që nga fillimi i pandemisë. /Telegrafi/