Aubameyang: Arsenali mund ta fitojë Ligën e Evropës

Pierre-Emerick Aubameyang ka folur rreth mundësive të Arsenalit për të fituar trofeun e Ligës së Evropës këtë sezon.

Arsenali ka fituar ndaj Vorskla Poltavas me rezultat 4-2 në ndeshjen e parë të grupeve, ku dy gola erdhën nga sulmuesi gabonez, i cili beson që Topçinjtë mund ta fitojnë trofeun e dytë më të madh ekipor evropian.

“Jam shumë i lumtur që jam kthyer në këtë garë dhe duam të shkojmë në finale”, ka thënë fillimisht Aubameyang.

Lexo po ashtu Arsenali fiton me lehtësi ndeshjen e parë në Ligën e Evropës

“Mendoj se luajtëm mirë në pjesën e parë dhe në fillim të pjesës së dytë. Ne shënuam katër gola”.

“Duhet të përmirësohemi dhe të përpiqemi të luftojmë, dhe të mos pranojmë gol siç kemi bërë në minutën e fundit”.

I pyetur për dëshirën kolektive brenda kampit të Arsenalit për të marrë trofeun, Aubameyang shtoi: “Sidomos për mua, sepse nuk luajta vitin e kaluar në Ligën e Evropës me djelmoshat”.

Lexo po ashtu Arsenal 4-2 Vorskla, nota e Dallkut dhe të tjerëve

“Është mirë të fillosh me një fitore, dhe ndeshja tjetër do të jetë gjithashtu e rëndësishme”.

Ndeshja e radhës e Arsenalit në Ligës e Evropës do t’i shohë ata të luajnë në udhëtim te Qarabagu më 4 tetor. /Telegrafi/