Ato mund të përcaktojnë fituesin – ja si kanë votuar në të kaluarën shtatë “shtetet e pavendosura” në SHBA

Zëvendës-presidentja Kamala Harris dhe ish-presidenti i SHBA-së, Donald Trump, janë “shumë ngushtë” në garë ndërsa miliona qytetarë amerikanë po shkojnë drejt qendrave të votimit.

Dhe gjërat pritet ndoshta të fokusohen në shtatë shtete kyçe “të pavendosura” që ka të ngjarë të vendosin fituesin përfundimtar: Arizona, Georgia, Michigani, Karolina e Veriut, Nevada, Pensilvania dhe Wisconsin.

Bëhet fjalë për shtetet që “plotësojnë kushtet” për t’u kategorizuar “të pavendosura”.

Më poshtë ua sjellim një vështrim se si këto shtatë shtete kanë votuar në dekadat e mëparshme dhe zgjedhjet më të fundit.

Arizona (11 vota të Kolegjit Zgjedhor)

Shteti jugperëndimor ka qenë prej kohësh një “shtet i Kuq”. Duke përjashtuar fitoren e demokratit Bill Clinton në 1996, shteti votoi vazhdimisht për kandidatët republikanë që nga viti 1952, kur mbështeti Dwight Eisenhower.

2000: Republikane (51.0%)
2004: Republikane (54.9%)
2008: Republikane (53.6%)
2012: Republikane (53.7%)
2016: Republikane (48.7%)
2020: Demokratike (49.4%)

Georgia (16 vota të Kolegjit Zgjedhor)

Ky është një shtet tjetër jugor që zakonisht voton për republikanët, por që u bë blu në vitin 2020.

Që nga viti 1972, vetëm dy demokratë arritën të fitojnë këtu: Jimmy Carter, i cili ishte nga shteti, fitoi në 1976 dhe 1980, dhe Clinton fitoi në zgjedhjet e tij të para, në 1992.

Trump fitoi në vitin 2016 me pesë pikë përqindje ndaj Hillary Clinton.

Por Biden “e ktheu shtetin”, duke fituar ngushtë – me 0.2 pikë përqindje – në 2020.

Demokratët po llogarisin në popullsinë me ngjyrë dhe emigrante të shtetit në Atlanta për të ndihmuar Harris të arrijë një fitore këtë herë, ndërsa republikanët shpresojnë te popullsia me shumicë rurale dhe e bardhë.

Ja për kë votoi Georgia në gjashtë zgjedhjet e fundit presidenciale:

2000: Republikane (54.7%)
2004: Republikane (58.0%)
2008: Republikane (52.2%)
2012: Republikane (53.3%)
2016: Republikane (50.8%)
2020: Demokratike (49.3%)

Karolina e Veriut (16 vota të Kolegjit Elektoral)

Që nga Lyndon Johnson në 1964, vetëm dy demokratë kanë fituar Karolinën e Veriut: Jimmy Carter në 1976 dhe Barack Obama në 2008.

Trump fitoi si në vitin 2016 (3.6 për qind) dhe në 2020 (1.3 për qind).

Ai është sërish në krye, megjithëse me një hendek të vogël – 0.9 pikë përqindje – sipas FiveThirtyEight, përcjell Telegrafi.

Ja për kë votoi Karolina e Veriut në gjashtë zgjedhjet e fundit presidenciale:

2000: Republikane (56.0%)
2004: Republikane (56.0%)
2008: Demokratike (49.7%)
2012: Republikane (50.4%)
2016: Republikane (49.8%)
2020: Republikane (49.9%)

Nevada (6 vota të Kolegjit Elektoral)

Votimi në zgjedhjet e fundit ka ndryshuar në të dyja drejtimet, megjithëse që nga viti 2008, demokratët kanë fituar vazhdimisht.

Shteti ka një popullsi emigrantësh në rritje dhe një numër të madh votuesish “të pavendosur” që mund të rezultojnë me ndikim në formësimin e rezultatit.

Në një rubrikë këtë javë, Jon Ralston, redaktor i The Nevada Independent, parashikoi se Harris ka avantazhin: “Ka shumë jopartiakë që janë demokratë”.

Mëngjesin e së martës thuhet se Trump ishte përpara Harris me vetëm 0.3 pikë përqindjeje, sipas FiveThirtyEight.

Ja për kë votoi Nevada në gjashtë zgjedhjet e fundit presidenciale:

2000: Republikane (49.5%)
2004: Republikane (50.5%)
2008: Demokratike (55.2%)
2012: Demokratike (52.4%)
2016: Demokratike (47.9%)
2020: Demokratike (50.1%)

Pensilvania (19 vota të Kolegjit Zgjedhor)

Shumë analistë besojnë se kushdo që fiton Pensilvaninë ka të ngjarë të fitojë presidencën – duke përjashtuar surpriza të tjera.

Votuesit në shtetin verilindor kishin votuar vazhdimisht për kandidatin e Partisë Demokratike që nga fitorja e Bill Clinton në vitin 1992 – derisa Trump “i mposhti shanset”, dhe Hillary Clintonin, në vitin 2016.

Sipas FiveThirtyEight, Harris ishte 0.2 pikë përqindje përpara, duke hyrë në ditën e zgjedhjeve.

Ja për kë votoi Pensilvania në gjashtë zgjedhjet e fundit presidenciale:

2000: Demokratike (50.6%)
2004: Demokratike (50.9%)
2008: Demokratike (54.5%)
2012: Demokratike (52.0%)
2016: Republikane (48.2%)
2020: Demokratike (50.0%)

Michigan (15 vota të Kolegjit Elektoral)

George HW Bush ishte republikani i fundit që fitoi zgjedhjet në këtë shtet derisa Trump “shkatërroi parashikimet” për të fituar Michiganin në vitin 2016.

Në vitin 2020, Biden e fitoi shtetin për demokratët, i mbështetur, ndër të tjera, nga popullsia e madhe arabe amerikane e shtetit – më e madhja në Amerikën e Veriut.

Por komuniteti tani është i zemëruar me Biden dhe Harris për mbështetjen e tyre të palëkundur për luftën e Izraelit në Gaza dhe Liban, dhe shumë kanë kërcënuar të votojnë për kandidatin e Partisë së Gjelbër Jill Stein, apo edhe për Trump.

Sipas FiveThirtyEight, Harris është një pikë përqindje përpara.

Ja për kë votoi Michigan në gjashtë zgjedhjet e fundit presidenciale:

2000: Demokratike (51.3%)
2004: Demokratike (51.2%)
2008: Demokratike (57.4%)
2012: Demokratike (54.2%)
2016: Republikane (47.5%)
2020: Demokratike (50.6%)

Wisconsin (10 vota të Kolegjit Zgjedhor)

Wisconsin kishte qenë një shtet demokratik i besueshëm për disa cikle zgjedhore përpara se Trump të ndryshonte këtë për të fituar në vitin 2016.

Përpara Trump, Ronald Reagan ishte republikani i fundit që fitoi Wisconsin, në vitin 1984.

Biden e fitoi shtetin përsëri, ngushtë, në 2020.

Sipas FiveThirtyEight, Harris është një pikë përqindje përpara.

Ja për kë votoi Wisconsin në gjashtë zgjedhjet e fundit presidenciale:

2000: Demokratike (47.8%)
2004: Demokratike (49.7%)
2008: Demokratike (56.2%)
2012: Demokratike (52.8%)
2016: Republikane (47.2%)
2020: Demokratike (59.5%) /Telegrafi/