Asociacioni ‘Most’ raporton për parregullsitë zgjedhore në Maqedoni

Dy raste të votimit familjar, një rast i pranisë së personit të paautorizuar në afërsi të vendvotimit dhe dy raste të fotografimit të fletëvotimeve, janë rastet e parregullsive të regjistruara nga ana e Asociacionit qytetar ‘Most’ gjatë procesit të votimit në rrethin e dytë të zgjedhjeve lokale.

Siç informoi Zllatko Dimitrioski në konferencën për shtyp të ‘Most’, në vendvotimin 1471 në fshatin Debresht, komuna e Dollnenit, janë evidentuar nëntë raste të votimit familjar, ku janë keqpërdorur 27 vota. Në këtë vendvotim poashtu janë regjistruar tre raste në të cilët personat që kanë kryer asistencë të votuesve që nuk kanë mundur të votojnë, nuk kanë qenë të evidentuar në Regjistrin e vendvotimit.

Ndrësa, në vendvotimin 1472 në fshatin Llazhan, komuna e Dollnenit ka pasur 9 raste të votimit në grupe, ku janë keqpërdorur 20 vota.

Probleme të shkaktuara nga persona të paautorizuar janë regjistruar në Shuto Orizare, në vendvotimin 2968 ku personi i paautorizuar ka kryer agjitacion në vendvotim, ndërsa në vendvotimin 2959 është regjistruar fotografim i fletëvotimeve.

Vëzhguesit e ‘Most’ kanë regjistruar fotografim të fletëvotimeve në Probishtip, vendvotimi 1531 dhe vendvotimi 0888 në fshatin Vidovisht, komuna e Zrnovc./Telegrafi/