ASHAM do të bashkëpunojë me Qeverinë për çështje me rëndësi shtetërore

Një delegacion qeveritar i kryesuar nga Kryeministri Zoran Zaev vizitoi Akademinë e Shkencave dhe Arteve të Maqedonisë, ku u prit nga kryetari i ASHAM-it, Taki Fiti, përcjell Telegrafi Maqedoni.

Delegacioni është informuar për punën e Akademisë e cila sivjet shënon 50 vjet nga themelimi.

Në njoftimin për meda, ASHAM informon se Fiti ka shprehur gatishmëri për bashkëpunim me Qeverinë për të gjithë çështjet kyçe në sferat e shkencave dhe arteve, si dhe me dhënie të mbështetjes eksperte në rrugën drejt proceseve integruese euroatlantike dhe zhvillimin e shtetit.

“Fiti posaçërisht theksoi se në bashkëpunim ASHAM çdoherë ka insistuar për respektim të pavarësisë së saj, të garantuar me Ligjin për ASHAM-in”, informon Akademia.

Sipas TV21, Kryetari i Qeverisë ka theksuar se nga ASHAM-i pret që të kyçe në të gjithë proceset për gjetje të zgjidhjeve më të mira për perspektiva më të mira për shtetin.

“Kryeministri Zaev në fjalimin e ti deri te akademikët potencoi se Qeveria është e hapur për bashkëpunim dhe se duke e respektuar pavarësinë e Akademisë si institucion më i lartë shkencor dhe artistik në vend, pret që ASHAM me të gjithë kapacitetet e saj, me marrëdhënie kritike, të kyçet në të gjithë proceset e gjetjes së zgjidhjeve më të mira për perspektiva më të mira për shtetin, posaçërisht në sferat e arsimit, shkencës, ekonomisë, mjedisit jetësor, por edhe në të gjithë aspektet e tjera të rëndësishme për zhvillimin e ardhshëm të Republikës së Maqedonisë”, shkruan në kumtesën e ASHAM-it për vizitën e sotme të Zaevit dhe anëtarëve të Qeverisë./Telegrafi/