Gjermania barazon ndaj Danimarkës, Holanda luan remi kundër Skocisë

Gjermania ka regjistruar barazim prej 1-1 në ndeshjen miqësore të zhvilluar kundër Danimarkës në Tivoli Stadion Neu.

Gjysma e parë nuk prodhoi gola, ndërsa me të filluar pjesa e dytë, Florian Neuhaus shënoi për epërsinë e Die Mannschaft (48’).

Golin e barazimit për danezët e shënoi Yussuf Poulsen në minutën e 71-të të takimit.

(Foto: Twitter/Germany)

Në një tjetër ndeshje miqësore, Holanda ka luajtur baras (2-2) përballë Skocisë.

Jack Hendry (11’) dhe Kevin Nisbet (64’) shënuan për skocezët, kurse Memphis Depay (75’ dhe 89’) i realizoi të dy golat për holandezët. /Telegrafi/

(Foto: Twitter/OnsOranje)