Arsovski: Nëse LSDM dhe OBRM-PDUKM bien dakord për përfshirjen e bullgarëve në Kushtetutë, problemi nuk do të jetë te partitë shqiptare

Sa herë që hapim Kushtetutën kemi kutinë e Pandorës dhe sa herë kemi të njëjtin debat, sepse nuk kemi një procedurë normale përmes së cilës diskutojmë për karakterin e shtetit. Ekonomia dhe bullgarët në Kushtetutë nuk janë çështje pa lidhje. Hapja e kapitujve të negociatave me BE-në ndikon drejtpërdrejt në cilësinë e qytetarëve dhe hap qasjen e Maqedonisë në fondet para-anëtarësuese, thotë analisti politik Petar Arsovski për takimin e paralajmëruar të liderëve që do të mbahet në Kuvend të hënën, më 7 nëntor.

Sipas tij, sa më shumë kërkesa dhe sa më e gjatë të jetë lista e kërkesave para kësaj mbledhjeje të liderëve, aq më pak janë mundësitë për të arritur një konsensus.

“Problemi me hapjen e Kushtetutës nuk është te partitë shqiptare, nëse LSDM dhe OBRM-PDUKM bien dakord për përfshirjen e bullgarëve në Kushtetutë.

Jam i sigurt se bashkësia ndërkombëtare do t’i bëjë presion partive shqiptare, për kërkesat e tyre që të vendosen ad acta, derisa të përfundojë ky problem i mprehtë, me çka dy partitë maqedonase nuk janë marrë vesh për atë agjendë”, tha Arsovski për “24 Analiza”./Telegrafi/