Arsovska: Nuk ka ftesë nga Qeveria për takim

Deri më tani nuk ka pasur ftesë nga Qeveria për takim për të diskutuar ndihmën e pushtetit qendror për kryeqytetin, tha kryetarja e Shkupit Danella Arsovska në daljen e sotme në Kanal 5, duke komentuar deklaratën e kryeministrit Dimitar Kovaçevski se do ta thërriste atë dhe kolegët e saj në takim në Qeveri sepse “qyteti nuk i ngjante asgjëje”.

“Në një farë mënyre, mund të duket komike që dikush përpiqet të thotë se diçka nuk është funksionale, ndërsa të ketë një kontribut të drejtpërdrejtë në mosfunksionimin e saj. E vetmja gjë që mund të them është se ai u bën apel këshilltarëve të tij që të jenë konstruktiv, të punojnë në interes të qytetarëve, të votojnë për tarifat fikse që marrin çdo muaj, për projektet që duhet të zbatohen në interes të qytetarëve, që qyteti të jetë një vend i tillë për të jetuar siç e pret ai”, tha Arsovska.

Sipas saj, ftesa e paralajmëruar kontestohet nga dy aspekte.

“Aspekti i parë është se ndoshta nëse kryeministrit i duket se qyteti nuk i ngjan asgjëje dhe kontributin më të madh e kanë këshilltarët e tij në qytet, të cilët zyrtarisht janë në koalicion me DPMNE-në, me çka nuk votojnë për realizimin e projekteve që janë në interes të qytetarëve . Dhe nëse vërtet do të dëshironte t’i ndihmonte qytetit, ndoshta një nga zgjidhjet më të mira është që t’i inkurajojë këshilltarët e tij, të cilët janë vërtet në numër të madh në qytetin e Shkupit, që të votojnë për këto projekte që kërkuan qytetarët, megjithatë gjithashtu këto projekte janë edhe nga programi që u zgjodh nga qytetarët tanë në zgjedhjet e fundit lokale”, tha Arsovska.

Aspekti i dytë, tha Arsovska, është se si mund ta ndihmojë qytetin e Shkupit dikush që nuk mund ta ndihmojë veten, duke shtuar se në vend nuk është realizuar asnjë projekt kapital, duke treguar për autostradën Kërçovë-Ohër dhe qendrën klinike për të cilën theksoi nuk janë realizuar prej vitesh.