Arrestohet një polic britanik, dyshohet se mbështeti Hamasin

Një polic britanik është arrestuar nën dyshimin se ka mbështetur grupin militant palestinez Hamas.

Polici rreth të 30-ve, u arrestuar të martën në Gloucestershire nga njësia antiterror, e cila tha se i dyshuari “kishte lidhje me disa aktivitete në internet”.

Ai është dërguar në paraburgim në Gloucestershire, transmeton Telegrafi.

Policët e specializuar nga njësia antiterror arrestoi të dyshuarin në pronën e tij në Gloucester si dhe ka kontrolluar një automjet.

Nga policia në Gloucestershire njoftuan se kërkimi kishte të bënte me gjetjen e një pajisje digjitale, me qëllim që të kryhen disa analiza në të.

“Arrestimi i një oficeri, i dyshuar për një vepër kaq të rëndë, pa dyshim do të shkaktojë shqetësim në komunitetet tona, ashtu siç bën të gjithë ata që punojnë për policinë e Gloucestershire”, u tha nga policia.

Sipas tyre, arrestimi është bërë për të lejuar një hetim të shpejtë dhe efektiv dhe se akoma nuk është nxjerrë ndonjë përfundim, për faktin se janë në fazën fillestare të hetimeve. /Telegrafi/