Arrestohet një person për vjedhje të veturës në Ferizaj

Stacioni policor në Ferizaj, nga Drejtoria Rajonale e Policisë në Ferizaj më 23.08.2021 ka pranuar dy informacione, se në dy raste të ndara janë vjedhur dy automjete të udhëtarëve, njëri automjet ‘’ VW Golf 2”, me targa vendore është vjedhur më datën 19.08.2021 në rrugën “Bajram e Gursel Sylejmani” në Ferizaj dhe tjetri automjet “Peugeot 208” gjithashtu me targa vendore është vjedhur në fshatin “Dardani” të Ferizajt.

Policia, ka nisur hetimin në kërkim të kryesve të mundshëm të vjedhjes së këtyre dy automjeteve dhe automjetin Golf 2 e ka gjetur të parkuar në një rrugë të Ferizajt, më pas këtë automjet pas verifikimit të dokumentacionit, i është kthyer pronarit, ndërsa rasti është duke u hetuar për të gjetur kryesit e kësaj vepre penale vjedhje.

Automjetin tjetër “Peugeot 208”, pasi është iniciuar rasti për vjedhje, Policia nga stacioni policor i Vitisë , kanë arritur ta ndalin në këtë qytet të cilën e drejtonte një shtetas gjerman, me inicialet M.B , i moshës 43 vjeçar .

Pasi i njëjti është kapur në flagrancë me automjetin e vjedhur është shoqëruar në stacionin policor dhe pas intervistimit nga ana e policisë, i njëjti me vendim të Prokurorit të Prokurorisë Themelore dërgohet në mbajtje për 48 orë. /Telegrafi/