Arrestohet i dyshuari që plaçkiti taksistin

Policia e Kosovës ka arrestuar një të dyshuar në Vushtrri i cili dyshohet për një grabitje që ka ndodhur më 23 nëntor.

Sipas Policisë i arrestuari është F.SH., 27 vjeçar, i cili më 23 nëntor rreth orës 01:15, i dyshimti kishte kërkuar nga viktima që me ‘Taxi’ ta dërgonte deri në fshatin Galicë- Vushtrri, dhe gjatë rrugës, afër fshatit Kollë, i dyshuari nën kërcënim të armës, i kërkon të gjitha parat dhe telefonin, ku në këtë rast, viktimës nga i dyshimti në fjalë  i grabiten 6 euro dhe telefoni Galaxy S4.

Pas një pune intensive nga hetuesit e rastit është arritur të identifikohet dhe të lokalizohet i dyshuari. I dyshuari F.SH 27 vjeçar është arrestuar, ndërsa si provë materiale është konfiskuar telefoni Galaxy S4, në një mobil shop, të cilin e ka shitur i dyshimti në fjalë.

Me urdhër të Prokurorit të Shtetit, të dyshuarit F.SH., 27 vjeçar, iu është caktuar masa e ndalimit për 48 orë dhe është iniciuar rasti ‘Grabitje’, ndërkaq, ndaj blerësit të telefonit, hapet rasti ‘pranim i mallrave të vjedhura’. /Telegrafi/