Arrestohet aktori i ‘Titanik’, Mark Chapman, sulmoi dhe kërcënoi ish-të dashurën me imazhe intime

Mark Chapman, aktori i cili luante rolin e djaloshit që kujdesej për jetën e Roses në filmin “Titanik”, është arrestuar gjatë ditës së sotme.

Aktori u arrestua nën akuzat për sulm dhe kërcënim ndaj ish-të dashurës.

Incidenti ndodhi në mars, ndërsa ish-e dashura e tij, Tara Pirnia, tregon se kjo kishte ndodhur pak pasi dyshja përfunduan lidhjen e tyre pesë vjeçare.

Ajo gjithashtu pretendon se Mark u zemërua shumë pasi ajo i kërkoi atij që të fshinte materialin intim të saj në telefonin e tij celular, kjo sipas një deklarate nga Sheriffi i Qarkut Travis, të siguruar nga TMZ.

Lexo po ashtu Luajti kur ishte vetëm pesë vjeç në filmin "Titaniku", Reece Thompson tregon se fiton akoma shumë para nga filmi (Foto)

Në dokumentacion, Tara thotë se Mark, i cili është 20 vjeç, e ka hedhur në tokë dhe ka përdorur të dyja duart për ta kapur atë rreth qafës dhe për ta ngërthyer në fyt.

Ajo pretendon se ish-i dashuri i ka thënë asaj, “Dua të vdesësh”.

tutje, Tara thotë se u transferua në Kaliforni të nesërmen, por ajo e raportoi incidentin për policët më vonë, nga frika se aktori do ta vrasë atë dhe më pas edhe veten.

Mark Champan u urdhërua të qëndrojë të paktën 200 metra larg saj. /Telegrafi/