Arrestohen dy persona në Prishtinë – u sekuestrohet kanabis dhe heroinë

Dy persona janë arrestuar këtë të martë në rrugën “Flaka e Janarit” në Prishtinë, si të dyshuar për shitblerje të substancave narkotike.

Policia njofton se të njëjtëve u është gjetur dhe sekuestruar sasi e substancës narkotike që dyshohet të jetë e llojit kanabis (marihuana) dhe një sasi heroinë.

“Mbështetur mbi bazën e dyshimit të arsyeshëm, është kryer një kontroll ndaj dy personave të dyshuar, të cilëve u është gjetur dhe sekuestruar  sasi e substancës narkotike që dyshohet të jetë e llojit kanabis (marihuana) dhe  një sasi heroinë”.

“Personat e dyshuar janë A. B 17 vjeç, dhe ​S. I 29 vjeç, shtetas të Republikës së Kosovës”, thuhet në komunikatën për media.

Ndaj të dyshuarve është iniciuar hetim në drejtim të veprës,  posedim i paautorizuar i substancave narkotike, psikotrope ose analoge.

“Me aktvendim mbi ndalimin e personit të dyshuar të nxjerrë nga ana e prokurorit të shtetit, i dyshuari S.I është dërguar në qendrën e mbajtjes prej 48 orësh, pasi ndaj tij ka rezultuar aktive një urdhëresë e gjykatës, ndërkaq i dyshuari A.B, është proceduar më tej”. /Telegrafi/