Nga: Dorian Koçi
Nacionalizmi kulturor në marrëdhëniet greko-shqiptare dhe anasjelltas shfaqet dhe rishfaqet dhe në ndikimet që ka pasur kuadër të ringjalljes së nacionalizmit në vitet 1990 në rajon, interesimi për të shkuarën e largët të vendit të origjinës dhe një konfirmim i një afërsie etnike me shqiptarët nga popullsia shqipfolëse të njohur si arvanitase në Greqi.
Sigurisht, influenca e nacionalizmit etnik grek dhe një tradite bashkëjetese prej më se 170 vjetësh në shtetin kombëtar grek, ku elementi arvanitas kish hyrë në një proces asimilimi, nuk mund të bëj të mundur që këto demonstrime të jenë të një përmase të madhe, por gjithsesi nuk duhen konsideruar të papërfillshme pasi kanë ringjallur një çështje të harruar dhe që nën tendencat unifikuese të globalizmit kishte tendenca për tu harruar.
Një nga veprimtarët më të rëndësishëm të ringjalljes kulturore arvanitase gjatë viteve 1980-2000, është studiuesi, avokati dhe publicisti Aristidh Kola i cili në librin e vet “Arvanitët dhe prejardhja e grekëve” i bëri jehonë sërish mitit pellazg të origjinës së përbashkët greko-shqiptare, që nga lashtësia, dhe ripohon me krenari se 90 nga 100 heronj të kryengritjes janë arbër, por kjo jo vetëm që nuk përmendet nga historianët tanë, por bëhet përpjekje të fshihet ky fakt dhe nga ana tjetër të përdëllehet i gjithë populli arbëror.
Nën procesin e vazhdueshëm të helenizmit të nxitur dhe nga shteti kombëtar grek, përpjekja e arvanitasve për të shkruar dialektin e tyre shqip u minimalizua, derisa në vitet 1980 të shekullit të XX kemi një rigjallërim të këtyre përpjekjeve me botimin e revistës “Besa”, ku në të 34 numrat e saj, përveçse artikujve shkencorë rreth kulturës arvanitase, në greqisht u botuan dhe artikuj në gjuhën shqip, por me alfabetin grek. Që prej viteve 1980, ka pasur një krijim të shoqërive kulturore arvanitase edhe botimeve të një reviste edhe disa librave mbi kulturën arvanitase (megjithëse shume pak te botuara ne atë gjuhe). Ne disa zona, Ungjilli i Pashkëve lexohet në Arvanitika (Gerou, 1994). Ndoshta ndërmarrja me domethënëse – për publikun e gjere – është nxjerrja e CD-së me një librushkë të bashkangjitur shpjegimi – Arvanitic Songs (FM Records, 1994).
Në këto kushte ka qenë shumë e vështirë influencimi i një nacionalizmi kulturor me tendenca shqiptare nga ana tyre pasi nuk zhvillimet politike në Shqipëri kanë qenë më të vonshme sesa në Greqi. Madje, në rastin e tyre mund të flitet për ringjalljen e një teze të hershme dhe romantike të nacionalizmit etnik shqiptar që i kërkonte rrënjët e veta në origjinën e përbashkët pellazgjike me popullsinë greke.
Një sërë librash të shkruar nga elita e këtij komuniteti vital në Greqi, si “Arvanitët dhe prejardhja e grekëve” e Aristidh Kolisë apo “Arvanitasit-fiset e reja doriane të helenizmit të ri” të Kosta Birit, e shtjellojnë më tepër këtë tezë, duke e bërë dominante në ligjërimin e sotëm arvanit. Mirëpo, brenda këtij ligjërimi historik e kulturor, shpeshherë shtjellohet dhe nuanca krenarie për numrin e madh të udhëheqësve të revolucionit grek nga gjiri i kësaj popullsie, afërsia dhe ndihmesa e shqiptarëve në këtë revolucion si dhe përforcimi i disa karakteristikave të veçanta të popullsisë arvanitase, si trimëria, besa e sakrifica për atdheun. Të gjitha këto tipare identitare kanë krijuar premisat për të pasur herë pas here shfaqje të një nacionalizmi të zbehtë kulturor që u vu re nga përfaqësues të shquar të këtij komuniteti, si Aristidh Kola, Taqi Mihas etj. gjatë ndërhyrjes së NATO-s në ish-Jugosllavi, ku në emisione të ndryshme televizive dhe artikuj në gazetat më të mëdha greke, mbrojtën çështjen shqiptare përkundrejt mendimit nacionalist grek që e denigronte. Ata argumentuan se përse Greqia nuk duhet të ishte aleate me Serbinë, aleancë për të cilën qarqet nacionaliste greke bërtisnin se është e “shenjtë”, si dhe pohuan afërsinë e tyre etnike shqiptare.
Zhvillimi i këtij nacionalizmi të zbehtë kulturor që ngjalli acarim në qarqet nacionaliste greke, i përngjan tipit të zhvillimit të nacionalizmit që përqafohet nga një grup intelektualësh që tregojnë interes për gjuhën e popullit dhe folklorin, duke pohuar veçantinë dhe afërsinë me një komb tjetër fqinj, gjë që krijon premisa që dalë nga dalë në të ardhmen dhe nën dritën e zhvillimeve të ndryshme politike në Ballkan mund të kalojë në hapa të tjerë më të rëndësishëm të identifikimit të popullsive në rajon.
Modeli i Renanit i përzgjedhur nga elita greke për të formuar kombin grek shekullin e kaluar mund të shërbejë dhe anasjelltas ku grupe identitare mund të rigjejnë rrënjët e humbura. Vepra e studiuesit Aristidh Kola është një thesar i paçmuar për plotësimin e Atlasit Gjuhësor të shqipes që për fat të keq deri tani pasqyron vetëm të folurat arvanite të studiura në vitet 1930 nga dijetari dhe gjuhëtari tjetër i shquar arvanit Petro Furiqi . Për më tepër, është një grishje intelektuale rreth komb-formimit dhe modeleve kulturore të harruara por gjithmonë ndjellëse për paqen në rajon ndaj duhet të zërë një vend të veçantë në kulturologjinë shqiptare.
Promo
Reklamo këtuLufta Prigozhin - Putin
Më shumë'Ofshama' e Zake Prelvukajt! Piktorja që përcjell mesazhe të fuqishme me anë të veprave të artit (Foto)
Refuzimi amerikan ndaj kërkesës së Leka Zogut për ta përmbysur Enver Hoxhën me ndihmën e sauditëve
Një replikë për “historianët” e akshamit
Laboratori i Serbisë për fabrikimin e historisë
Fjalë të urta popullore: Edhe diell të bëhesh, të gjithë nuk i ngroh dot!
Morali dhe intelektuali
104.5m² komfort – Banesë luksoze me pamje tërheqëse për zyret e juaja
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Çdo fëmijë e don një xhaketë të re për vit të ri!
25% zbritje në çizmet Adidas Terrex? Zgjate dorën!
Hej djem! Super xhaketa e Adidas tani vjen me zbritje ekskluzive vetëm për ju
Atletet e famshme Reebook vijnë me zbritje t’hatashme
Kreativiteti i fëmijëve tuaj fillon me këtë tabelë të zezë nga Vitorja – Përfitoni 20% zbritje ekskluzive
Më të lexuarat
Aksidenti me tre viktima në Çubrel të Skenderajt: Edhe pesë të lënduar, katër prej tyre zyrtarë policorë
Driloni: Banorët nuk më uruan fitoren, e di që më kanë inati
Kurti reagon pas aksidentit me tre të vdekur në rrugën Mitrovicë-Pejë
Publicisti serb: Beogradi duhet të përballet me realitetin për Kosovën, iluzion të pritet një ndryshim i politikës amerikane
Afati kalimtar i janarit: Transferimet minutë pas minute, emra të mëdhenj në bisedime
E quajti Ramush Haradinajn “gjeneral të vetëshpallur”, OVL-UÇK në Pejë i reagon Gërvallës