Ariela Zulbeari është e ftuara e radhës në emisionin e fëmijëve TM kids.
Pesë vjeçarja nga qyteti i Tetovës ishte një vajzë shumë inteligjente, oratore dhe këmbëngulëse në idetë dhe qëllimet që kishte.
Ariela ndonëse e vogël në moshë, përgjigjej si një e madhe në pyetjet e parashtruara nga gazetari.
Ishte një vajzë e veshur plot stil, me një fustan të kuq, pasi e kuqja ishte dhe ngjyra e saj e preferuar.
Ajo na tregoj se i pëlqen shumë të vallëzoj, të duket bukur e të shkëlqej gjithmonë.
Poashtu, tha se nëse një ditë do të kishte një shitore të sajën, do të shiste fustana dhe take.
Veten në të ardhmen ajo e shihte si një mjeke, sepse i pëlqente që të ndihmoi dhe shëroi njerëzit.
Ariela tregoi se nuk i pëlqen shumë rrjetet sociale, as Youtube e as TikTok, ndërsa Instagramin e përdorte me raste.
Ajo kishte një shoqe të ngushtë me emrin Elsa të cilën për fund edhe e vizatoi në rubrikën e vizatimit.
Shumëçka nga bota e saj rrëfeu në studion tonë Ariela, ndaj ju ftojmë që ta ndiqni në videon e poshtë vendosur./Telegrafi/
