Ardian Kozniku për turpërimin e Trepçës ’89: Nuk është tragjike

Ish futbollisti i mirënjohur, Ardian Kozniku, ia tërheq vërejtjen të gjitha skuadrave tona që garojnë në rrafshin ndërkombëtar, që në të ardhmen duhen të jenë të kujdesshëm edhe me deklarata, që mos të jenë ato bombastike, se do ta shkelim këtë ekip apo at tjetrën.

Ai tha se nuk është tragjike edhe humbja e thellë e Trepçës ’89 me rezultat 4:1 nga Vikingur, sepse në futboll ndodhin gjëra të tilla.

“Është një përvojë e madhe për stafin e trajnerëve, të cilët duhet t’i shikojnë gabimet ku ndodhen që mos të përsëriten të ardhmen. Rezultati është i thellë dhe i papritur. Përvoja ka ndikuar, kështu që trajneri rival u treguan më i suksesshëm. Atmosfera ka qenë fantastike, ambienti për lakmi, por i kuptoj shikuesit që janë të zhgënjyer nga kjo humbje. Duhet me menduar për të ardhmen, të mobilizohemi dhe të jemi më të vëmendshëm”, ka thënë Kozniku për gazetën kombëtare “Bota sot”.

“Kartona e kuq janë të panevojshëm, por në anën tjetër nuk duhet të bëjmë krahasime të mëdha, sepse me rendësi që morëm pjesë dhe rezultatet nuk vijnë brenda natës. Një fakt tjetër është se duhet të jemi optimistë, por jo aq të mëdhenj, e të thonë kemi mi mundur e mi shkel. Sepse me deklarata duhet pasur kujdes, me qenë të rezervuar dhe me pasur respekt. Kjo është një shkollë për të ardhmen, po ashtu edhe një përvojë që i mungon klubeve të Kosovës. Vërtet ndeshja e parë na dha shpresa të mëdha, sepse rezultati ishte i ngushtë, 2:1, por edhe humbjen me 4:1 nuk duhet marrë tragjike, por gjithësi herëve tjera duhet me pas kujdes para ndeshjes”, theksoi Kozniku.

“Moti nuk kam parë atmosferë në Mitrovicë kur luajnë klubet tona, dhe ishin shembull”.