Aplikacioni i Facebook për video mund të mos funksionojë më në Apple TV

Aplikacioni i videove për televizione të mençur, i cili u mundëson përdoruesve që të shikojnë video, programe dhe lidhje të drejtpërdrejta, së shpejti nuk do të mund të funksionojë më në Apple TV.

Disa përdorues veçse kanë thënë se nuk kanë më qasje në këtë aplikacion.

Në një bisedë MacRumors, një përdorues shpërndau një fotografi pasi ai tentoi të hapte aplikacionin ku shihej një njoftim në të cilin shkruhej “Aplikacioni Facebook Watch TV më nuk është në dispozicion, por ju akoma mund të gjeni shumë video në www.facebook.com/watch”. Edhe përdorues të tjerë kanë raportuar që të kenë pasur një problem të tillë.

Facebook e bëri të qasshëm aplikacionin e Facebook Watch për Apple TV në vitin 2017, pasi që më herët ishte i qasshëm vetëm për televizorët e mençur Samsung, transmeton Telegrafi.

Ky aplikacion është në dispozicion edhe për televizorë të tjerë të mençur dhe konzola lojërave elektronike, e gjithashtu edhe për telefona të mençur dhe në ueb-faqen e kësaj kompanie në desktop.

Përdoruesit që dëshirojnë të kenë qasje në Facebook Watch përmes Apple TV mund ta bëjnë atë përmes telefonave të tyre, edhe pse padyshim nuk është aq e përshtatshme sikur ta përdornin atë aplikacion direkt prej televizorit të tyre.

Nuk është ende e qartë se nëse aplikacioni nuk është në dispozicion pas ndonjë defekti nga përditësimi i ri, apo nëse Facebook e ka tërhequr këtë aplikacion tërësisht prej Apple TV.

Apple TV ende është i listuar si një nga platformat që mbështetura të Facebook Watch. The Verge kontaktoi Apple dhe Facebook për të marrë komente prej tyre në lidhje me këtë, por nuk morri asnjë përgjigje. /Telegrafi/