LAJMI I FUNDIT:

Apeli nuk ia vërteton pafajësinë vëllait të Zahir Pajazitit

Apeli nuk ia vërteton pafajësinë vëllait të Zahir Pajazitit

Një ankesë e Prokurorisë ka bërë që vendimi me të cilin Bajram Pajaziti, vëllai i dëshmorit Zahir Pajaziti, ishte shpallur i pafajshëm në akuzën për keqpërdorim të detyrës zyrtare të prishet dhe rasti të rigjykohet nga gjykata e shkallës së parë pasi janë gjetur shkelje të ligjit penal.

Bajram Pajaziti dhe Bajram Azemi në mars të këtij viti ishin shpallur të pafajshëm nga Gjykata Themelore e Prishtinës për akuzën e keqpërdorimit të detyrës në cilësinë e zyrtarëve të Ministrisë së Punës dhe Mirëqenies Sociale.

Prokuroria i ngarkonte Pajazitin e Azemin lidhur me një vendim për marrjen e pensionit për familje të dëshmorit.


Gjykata Themelore e Prishtinës kishte refuzuar pretendimin e Prokurorisë duke i gjetur të pamjaftueshme provat e paraqitura dhe duke i liruar të akuzuarit.

Të pakënaqur Prokuroria Themelore e Prishtinës paraqitën ankesë në Gjykatën e Apelit, ndërsa kjo e fundit gjeti shkelje në aktgjykimin e Themelores.

“Gjykata e Apelit gjen se ky aktgjykim është i përfshirë me shkelje esenciale të dispozitave të procedurës penale dhe se aktgjykimi i shkallës së parë nuk është përpiluar në përputhje me dispozitën e Kodit të Procedurës Penale sepse Gjykata  e shkallës së parë nuk ka paraqitur në mënyrë të qartë dhe të plotë se cilat fakte dhe për çfarë arsye i konsideron të vërtetuara dhe të pavërtetuara”, thuhet në vendimin e Gjykatës së Apelit.

Sipas aktakuzës, Bajram Azemi, në cilësinë e kryesuesit të Divizionit në Ministrinë e Punës dhe Mirëqenies Sociale, në Departamentin për Familjet e Dëshmorëve Invalidëve të Luftës dhe Viktimave Civile, si dhe i akuzuari tjetër, Bajram Pajaziti në cilësinë e drejtorit në po të njëjtin departament, kanë dëmtuar buxhetin e Republikës së Kosovës, duke i sjellë përfitim pasuror të kundërligjshëm Rexhep Haxhës.

Gjithnjë sipas aktakuzës,  Bajram Azemi e ka nxjerrë një vendim me anë të të cilit Rexhep Haxhës i njihet e drejta në pension të familjeve të dëshmorëve, për djalin e tij të ndjerë Bahri Haxha.

Pajaziti dhe Azemi ngarkoheshin se në bashkëkryerje kanë kryer veprën penale keqpërdorimi i pozitës apo autoritetit zyrtar, me pretendimin se Rexhep Haxhës i kanë sjellë përfitim pasuror të kundërligjshëm në shumë prej 13,900,98 euro.

Në trend Lajme

Më shumë
Kërkesat për vizitë, masat e rrepta të sigurisë dhe reagimet – gjithçka nga vizita e Thaçit në QKUK, pas gjendjes së rënduar shëndetësore të babait të tij

Kërkesat për vizitë, masat e rrepta të sigurisë dhe reagimet – gjithçka nga vizita e Thaçit në QKUK, pas gjendjes së rënduar shëndetësore të babait të tij

Lajme
Serbë nga Kosova shkojnë në Beograd “për të mbrojtur presidentin”

Serbë nga Kosova shkojnë në Beograd “për të mbrojtur presidentin”

Lajme
Qeveria e Kosovës mbajti mbledhje elektronike, këto janë vendimet

Qeveria e Kosovës mbajti mbledhje elektronike, këto janë vendimet

Lajme
A është PDK e gatshme t'ia jep Abdixhikut postin e kryeministrit, përgjigjet Bedri Hamza

A është PDK e gatshme t'ia jep Abdixhikut postin e kryeministrit, përgjigjet Bedri Hamza

Politikë
Masakra e Kralanit, e vërteta e dhimbshme e Sheremet Ismajlit - shpëtoi të birin duke marrë vendin e tij në pushkatim

Masakra e Kralanit, e vërteta e dhimbshme e Sheremet Ismajlit - shpëtoi të birin duke marrë vendin e tij në pushkatim

Lajme
E përcolli deri tek shkallët, mjeku i QKUK-së plot emocion rrëfen takimin me Thaçin

E përcolli deri tek shkallët, mjeku i QKUK-së plot emocion rrëfen takimin me Thaçin

Lajme
Kalo në kategori