Anne Hathaway dhe Jared Leto krijuan një dyshe magjepsëse teksa mbërritën në premierën e serialit të tyre televiziv “WeCrashed” në Los Angeles të enjten.
Aktorja, shfaqi këmbët e saj të gjata me një fustan të kaltër të ndezur me prerje asimetrike, teksa mahniti në tapetin e kaltër në Muzeun e Filmit të Akademisë.
Ndërkohë Leto, tregoi sensin e tij të veçantë të stilit dhe nderoi rolin e tij të fundit në House of Gucci, teksa veshi një kostum vezullues Gucci.
Fituesit e Oscar luajnë çiftin real të martuar Rebekah dhe Adam Neumann në shfaqjen Apple TV+, i cili do të debutojë në mbarë botën më 18 mars.
Dy aktorëve iu bashkuan bashkë-yjet e tyre Cricket Brown, Kyle Marvin, OT Fagbenle, Theo Stockman dhe Peter Jacobson.
Fustani sensacional i Hathaway kishte një pjesë të zezë që dukej në njërën anë dhe jepte një aluzion të mesit të saj të tonifikuar.
Aktorja me stil e kombinoi pamjen e saj me taka Aquazzura me majë të zeza dhe shkëlqeu me bizhuteritë Bulgari.
Aksesori i yllit të lindur në Brooklyn për natën ishte një çantë elegante e zezë katrore, me pajisje argjendi. /Telegrafi/
