Anëtarësimin e Finlandës në NATO, Kremlini e quan një kërcënim për Rusinë “dhe një arsye për një përgjigje simetrike”

Kremlini ka thënë se e konsideron lëvizjen e Finlandës për t’u bashkuar me NATO-n një kërcënim për Rusinë – dhe se sipas Rusisë, zgjerimi i aleancës ushtarake nuk do të rrisë stabilitetin dhe sigurinë në Evropë apo në pjesën tjetër të botës.

Duke iu përgjigjur njoftimit të mëparshëm të fqinjit të saj për synimin e saj për të aplikuar për anëtarësim në NATO, Rusia thotë se “është e përgatitur të japë përgjigjen më vendimtare për çdo palë që përpiqet të përfshihet në Ukrainë dhe të pengojë operacionin special ushtarak”.

Lexo po ashtu Pse anëtarësimi i Finlandës në NATO është një lajm shumë i keq për Putinin?

Në këtë kontekst, zëdhënësi i Kremlinit, Dmitry Peskov, vlerëson se të gjithë duan të shmangin një përplasje të drejtpërdrejtë midis NATO-s dhe Rusisë.

Megjithatë, ai i përshkroi veprimet e Finlandës si për të ardhur keq dhe “padyshim” një kërcënim për Rusinë “dhe një arsye për një përgjigje simetrike”, përcjell Telegrafi.

Lexo po ashtu Finlanda do të aplikojë për anëtarësim në NATO 'pa vonesë'

Rusia ka paralajmëruar më parë për “pasoja ushtarake dhe politike” nëse Finlanda dhe Suedia vendosin të anëtarësohen në NATO.

Ndryshe, presidenti i Finlandës, Sauli Niinisto, si dhe kryeministrja Sanna Marin thanë këtë mëngjes se vendi i tyre duhet të aplikojë për t’u bashkuar me NATO-n “pa vonesë”. /Telegrafi/