Andonovski: Policia i këshilloi shkollat ​​të mos i hapin emailet, kjo nuk është zgjidhje

Stefan Andonovski nga OBRM-PDUKM sot në emisionin “10 minuta” në TV21 theksoi se pas raportimeve të rreme për bomba nëpër shkolla, zyrtarët e policisë verbalisht i kanë këshilluar që të mos hapin emailet.

Sipas tij, injorimi i emaileve nuk është zgjidhje e problemit.

“Nuk duhet t’u kushtojnë vëmendje emaileve nëse mbërrijnë, domethënë ose të mos i hapin fare adresat e emailit. E kanë thënë gojarisht, pa shkresë zyrtare nga MPB-ja apo Ministria e Arsimit dhe Shkencës”, tha Andonovski.

Ai theksoi se është i befasuar, por edhe i zhgënjyer nga kryetarja e qytetit të Shkupit, Danella Arsovska.

Sipas tij, kjo Arsovska nuk është e njëjta sikurse Arsovska gjatë fushatës.

“Mund t’ju them se në diskutimet e shumta që kemi pasur para fillimit të fushatës, gjatë fushatës ishte një person krejtësisht tjetër e cila jo vetëm që tha se do të punonte me ne, por ashtu tha se ka më shumë nevojë për ne dhe secilin prej nesh si këshilltarë, që do të përfshihet plotësisht në punën e saj”, tha Andonovski./TV21/