Ancelotti: Gattusos i duhet kohë për ta kthyer Milanin në rrugën e duhur

Milani dështoi të fitojë edhe nën drejtimin Gennaro Gattusos, por është pikërisht Carlo Ancelotti ai që merr në mbrojtje ish-mesfushorin e kuqezinjve.

Tekniku italian kërkoi që t’i jepet më shumë kohë trajnerit të ri të kuqezinjve, ndërsa nuk kritikoi Vincenzo Montella për punën e mëhershme.

Lexo po ashtu Ancelotti: Më ka kontaktuar Italia, asnjëherë Milani

“Gattuso e stërviti këtë ekip vetëm dy ditë dhe nuk mund të prisnim ndonjë ndryshim të madh. Mendoj se atij i duhet dhënë kohë për të rikthyer Milanin në rrugën e duhur , atë të rezultateve pozitive”.

“Pastaj, kundër Beneventos pashë një skuadër të vendosur mirë , që për pak ia doli të sillte tre pikët në shtëpi”, u shpreh Ancelotti.

Ish-trajneri i Bayernit vlerësoi edhe punën e bërë nga Vincenzo Montella, veçanërisht vitin e kaluar, ndërsa pranoi se afrimet e shumta sollën vështirësi këtë sezon.

“Edhe Montella punoi shumë mirë vitin e kaluar dhe arriti të çojë skuadrën në Evropë. Këtë vit u investua shumë dhe u shtuan disa lojtarë, por kjo situatë të krijon vështirësi, pasi afrimet e reja duan kohën e tyre për t’u përshtatur”, deklaroi Ancelotti. /SS/