Zinedine Zidane ka folur me elozhe për yllin e skuadrës së tij, Cristiano Ronaldo.
Real Madridi fitoi me rezultat 2-1 në udhëtimin e tyre te Eibari, ku dy golat u shënuan nga ylli porugez, Ronaldo.
Kjo ishte ndeshja e shtatë rresht që portugezi shënon gol dhe kjo ka bërë që trajneri i tij, Zidane, të thur elozhe për të.
"Ronaldo është nga një planet tjetër", ka thënë fillimisht Zidane pas ndeshjes.
"Ai e di se do të shënojë, ai është unik dhe i veçantë".
"Statistikat e tij flasin për veten e tij".
"Ai është gjithmonë shumë pozitiv dhe nëse shënon dy gola, ai do pastaj tre".
"Ai është shumë i mirë", përfundoi trajneri i Real Madridit.
Ndryshe, Ronaldo deri më tani ka shënuar 18 gola në La Liga, duke qenë i tretë në listë, pas Lionel Messit [24] dhe Luis Suarez [20]. /Telegrafi/