Zbulohet politikani që përfitonte jashtëligjshëm, me pretendimin se ka probleme fizike (Video)

Robert Woodbrige që për një kohë ishte këshilltar komunal në Kent të Anglisë, përfitonte jashtëligjshëm afro katër mijë euro në muaj, duke u shtirur si person me nevoja të veçanta.

Politikani 59-vjeçar, vërtetë kishte pasur gjendje të rëndë fizike, por nuk ka njoftuar autoritet përkatëse se është shëruar, ndërsa deklaronte se nuk mund të lëvizë as ndërruesin e kanaleve, transmeton Telegrafi.

Atë e kanë gjetur duke mashtruar, teksa është parë duke lëvizur një rimorkio, sharronte dru dhe duke i bartur ato me karrocë.

Megjithëse mbahej me një shkop dhe lëvizte ngadalë, ai konsiderohet mashtrues dhe pritet të dërgohet së shpejti para drejtësisë. /Telegrafi/