Arta Nitaj u bë e njohur te publiku i gjerë falë rolit të Xhesikës në hit serialin televiziv, “O Sa Mirë”.
Mirëpo, përkundër suksesit të jashtëzakonshëm dhe pëlqimit të madh nga fansat e kësaj komedie, në muajin korrik u raportua se modelja e shndërruar në aktore vendosi të largohej nga seriali.
Asokohe u njoftua se bukuroshen nuk do ta shihnim në episodet e sezonit të ri, pasi i kishte përfunduar kontrata.
Megjithatë, burime të Telegrafit njoftojnë se ‘Xhesika’ do të jetë pjesë e sezonit të ri të “O Sa Mirë”.
Njëherësh bëhet e ditur se krahas Artës, serialit do t’i bashkëngjiten edhe dy motra.
Tashmë kanë filluar përgatitjet për sezonin e ri dhe xhirimet do të nisin së shpejti. Për shikuesit janë rezervuar shumë risi edhe në edicionin e radhës. /Telegrafi/