Granit Xhaka ka shfrytëzuar profilin e tij në Facebook për të folur për fitoren e Arsenalit në Kupë.
Arsenali ka arritur të fitojë me rezultat të thellë 5-1 ndaj ekipit inferior Lincoln City në çerekfinale të Kupës FA, duke siguruar kualifikimin në gjysmëfinale.
Kjo fitore ka ngritur motivin e Topçinjve të cilët patën rënie morali pas eliminimit të turpshëm në Ligën e Kampionëve nga Bayerni.
Në këtë takim për 61 minuta luajti edhe mesfushori me prejardhje nga Kosova, Granit Xhaka, i cili pati një paraqitje solide, teksa falënderoj fansat për mbështetje.
“Një falënderim i madh për të gjithë ju tifozët që na mbështetet sot”, ka shkruar Xhaka në profilin e tij privat në Facebook.
Ndryshe, Xhaka u ndëshkua edhe me kartonë të verdhë në këtë takim në minutën e 24. /Telegrafi/