Deontay Wilder nuk do ta ndjekë nga afër debutimin e Tyson Furyt në WWE, në duelin që zhvillohet në Arabinë Saudite.
Boksieri britanik i befasoi të gjithë me vendimin për të ndërruar sport, ashtu që me 31 tetor do të ndeshet me Braun Strowman në evenimentin e njohur si 'Crown Jewel'.
Dhe derisa të gjithë janë të befasuar me vendimin e Gipsy King, kjo nuk i bën përshtypje kampionit të WBC-së, i cili ka të caktuar një rimeç me Furyn në shkurt të vitit të ardhshëm.
"Ata do të jenë në Arabinë Saudite për këtë, por jo unë. Nuk fluturoj deri atje për diçka të tillë. Unë do të jem në kamp (duke u stërvitur)".
"Po, ai është duke i bërë paksa reklamë rimeçit, por po flet në WWE sikur të jetë kampion i botës në kategorinë e peshave të rënda. Ti nuk je kampion i botës në kategorinë e rëndë", ka deklaruat Wilder për SunSport.
Ndryshe, është raportuar se për debutimin e Tyson në WWE, janë në lojë 15 milionë dollarë (13.5 milionë euro). /Telegrafi/