Mesfushori i Interit, Roberto Gagliardini ka përfunduar në radarin e skuadrave angleze të Ligës Premier.
Gagliardini u transferua te Interi nga Atalanta në afatin kalimtar të dimrit në vitin 2017 për një shifër rreth 20 milionë eurosh.
Megjithatë, mesfushori italian në këtë sezon nuk po luan rregullisht si në dy sezonet e kaluara.
Kështu, disa skuadra angleze kanë shprehur interesim për të transferuar Gagliardinin në Ligën Premier.
Sipas mediumit Inter Live, West Hami dhe Evertoni janë gati të rivalizojnë njëra-tjetrën për mesfushorin e Interit.
Tashmë thuhet se skuadrat angleze kanë lansuar edhe ofertat e tyre drejt klubit italian për lojtarin e tyre.
Një ofertë prej rreth 25 milionë eurosh tashmë është në tavolinën e Interit për lojtarin që ka humbur vendin e titullarit.
Por, kjo ofertë thuhet se nuk ka bindur drejtuesit nerazzurr, të cilët momentalisht e shohin si të pa-shitshëm mesfushorin. /Telegrafi/