Vetullat ngjyrë livande? Këngëtarja Lizzo ka lansuar një trend të ri bukurie për të cilin po flasin të gjithë

Këngëtarja dëshmon përsëri se çfarë do të thotë të jesh novatore në mesin e të famshmëve të tjerë

Këngëtarja dhe flautistja shkeli përsëri rregullat e mëparshme të bukurisë dhe dëshmon se pothuajse gjithmonë ia vlen të rrezikohet!

Artisti i grimit përgjegjës për këtë pamje është Alexx Mayo, i cili e kompletoi këtë grim të guximshëm me një eyeliner grafik në ngjyrë dhe të kuq rozë, ndërsa vetullat ngjyrë livande i përpunoi me teknikën ombre, duke kombinuar nuancat vjollce dhe rozë, transmeton Telegrafi.

Kjo ngjyrë është aktuale tashmë disa sezone si në botën e modës ashtu edhe në botën e bukurisë, kështu që nuk është për t'u habitur që frymëzon vazhdimisht lëvizje të reja, të papritura të bukurisë.

Gjithashtu, Lizzo dëshmon se xheli transparent i vetullave është më shumë i modës së vjetër dhe se kjo fundjavë mund të jetë ajo kur duhet të provojmë diçka të re.

/Telegrafi/