Veseli uron mësuesit: Ata ishin dhe do jenë heronjtë e së ardhmes

Kryetari i Partisë Demokratike të Kosovës, Kadri Veseli, ka uryar ditën e mësuesit, 7 marsin, duke vlerësuar lart rolin e tyre në edukimin dhe emancipimin e shoqërisë.

"Shkolla dhe mësuesit tanë kanë luajtur një rol të pazëvendësueshëm në forcimin e identitetit kombëtar, emancipimin e shoqërisë dhe edukimin e saj. Mësimdhënësit ishin heronjtë e së kaluarës dhe do të jenë heronjtë e formësimit të së ardhmës sonë të përbashkët. Urime Dita e Mësuesit!", ka shkruar Veseli në faqen e tij në Facebook. /Telegrafi/