02/11/2019
Analisti dhe njohësi i sistemeve zgjedhore, Blerim Vela ka treguar disa të dhënë interesante sa u përket rezultatit të zgjedhjeve.
Ai ka thënë se në bazë të gjitha rezultateve të mbledhura koalicioni NISMA-AKR-PD nuk e kalon pragun për 50 vota.
Në këtë rezultat Vela thotë se janë përfshirë edhe votat e shumëpërfolura nga Serbia.
Analisti ka thënë se pa votat e Serbisë Nisma e kalon pragun me 100 vota.
Vela po ashtu ka publikuar një skemë se si do të duket shpërndarja e ulëseve në Kuvendin e Kosovës pas zgjedhjeve te 6 tetorit 2019.
Sipas infografikës, Lëvizja Vetëvendosje ka 31 ulëse në Kuvend, LDK, 29 ulëse, PDK, 26 ulëse, AAK, 13 ulëse, PSD, një ulëse./Telegrafi/
