Një grua vdiq në spital të shtunën një ditë pasi u nxor nga rrënojat e një ndërtese të shembur në Turqinë jugore, ku kishte mbetur e bllokuar për 104 orë që nga tërmeti shkatërrues i së hënës, thanë ekipet e shpëtimit.
Ekipet e shpëtimit gjermanë nxorën 40-vjeçaren, Zeynep Kahraman nga rrënojat në qytetin Kirikhan në Turqinë jugore të premten.
“Sapo mësuam nga vëllai dhe motra e saj, se Zeynep fatkeqësisht ndërroi jetë në spital”, tha Steven Bayer, drejtuesi i ekipit ndërkombëtar gjerman të kërkimit dhe shpëtimit.
Familja e Kahramanit kanë pohuar se ekipet e shpëtimit kishin arritur dy ditë pas tërmetit të së hënës.
Punëtorët gjermanë kontaktuan me gruan ndërsa ajo ishte ende thellë brenda rrënojave dhe e mbajtën të hidratuar përmes një zorre.
Turqia dhe Siria kanë raportuar se së bashku deri më tani kanë humbur jetën mbi 24 mijë qytetarë. /Telegrafi/