Trump thotë se “askush nuk e di se çfarë janë magnetet” gjatë një eventi në Zyrën Ovale
Presidenti amerikan Donald Trump thotë se “askush nuk e di se çfarë janë magnetët”, gjatë një konference të çuditshme për shtyp në Zyrën Ovale.
Gjatë betimit të një ambasadori të ri në Indi të hënën, Trump nisi një ankesë kundër Kinës, ndërsa diskutonte marrëveshjen e tyre të fundit për të filluar lehtësimin e rregullave të eksportit të metaleve të rralla, transmeton Telegrafi.
“Kina do të na godiste me metale të rralla. Tani, të gjithë thonë, ‘oh, çfarë do të thotë kjo?’ Magnetë. Nëse Kina do të refuzonte të jepte magnetë, sepse ata kanë monopolin mbi magnetet, nuk do të kishte asnjë makinë të prodhuar në të gjithë botën”, shtoi presidenti amerikan.
Ai më pas pretendoi se “askush nuk e di se çfarë janë magnetët”, përpara se të vazhdonte të lavdëronte “marrëveshjen e shkëlqyer” që dy vendet bënë në tetor.
Ndërsa bisedimet nuk përfunduan me një marrëveshje zyrtare, zoti Trump pranoi të ulte tarifat për disa mallra kineze që hynin në SHBA, ndërsa Pekini pranoi të pezullonte masat e kontrollit të eksportit që kishte vendosur mbi metalet e rralla. /Telegrafi/