Pritet të ketë një luftë ofertash mes Juventusit, Atletico Madridit dhe Tottenhamit për sulmuesin e Napolit, Arkadiusz Milik.
Drejtori i Napolit, Cristiano Giuntoli ka deklaruar se sulmuesi ose do të pajtohet me një kontratë të re ose do të vihet në treg këtë verë, pasi marrëveshja e tij mbyllet në qershor 2021.
Juve kishin kohë që ishin pretendentë për nënshkrimin e polakut, por ishin largu nga çmimi i kërkuar prej 50 milion eurosh.
Tani gazeta spanjolle AS shkruan se Atletico Madrid është futur në garë, ku po përpiqet të përfshijë Diego Costas si pjesë e një shkëmbimi.
Sky Sport Italia në anën tjetër insiston se Tottenham janë pretendentë kryesor për Milik, i cili ka shënuar 13 gola në 25 ndeshje këtë sezon.
Të gjithë këto klube i kanë ofruar polakut 5 milionë euro në vit.
Është përmendur edhe Arsenali dhe Manchester United, por Spurs do të ishte opsioni më i mundshëm për të në Ligën Premier. /Telegrafi/