14:"Ridvan Slivova
04/02/2019
Presidenti i Kosovës, Hashim Thaçi është nisur për në Shtetet e Bashkuara të Amerikës, ku do të marrë pjesë në ‘Lutjet e Mëngjesit’.
Këtë e ka bërë të ditur vetë presidenti, nëpërmjet një postimi në rrjetin social Facebook.
Thaçi ka përsëritur se miqësia me SHBA-në dhe vlerat perëndimore, janë përkushtim për Kosovën.
“Sapo u nisa për në Shtetet e Bashkuara të Amerikës, ku bashkë me liderë të shumtë botërorë do të marrë pjesë në Lutjet e Mëngjesit. Miqësia me SHBA-në dhe vlerat perëndimore do të jenë përjetësisht përkushtim i Republikës së Kosovës”, ka shkruar Thaçi.
Ndryshe para nisjes së tij për në Amerikë, Thaçi është takuar edhe me kryeministrin e vendit, Ramush Haradinaj. /Telegrafi/