Taylor Swift përballi një sfidë të madhe gjatë natës së saj të tretë në Caesars Superdome në New Orleans.
Gjatë këngës "Who's Afraid of Little Old Me," platforma e saj reflektuese, e njohur si "Tayoomba," papritmas ndaloi së funksionuari.
Ajo vendosi të vazhdojë performancën në tokë, duke kënduar përpara se të kërcente në pasarelë, shkruan DailyMail.
Kërcimtarët e saj e ndihmuan të hiqnin shtyllën e thyer nga skena e stadiumit, që kishte kapacitet për 83 mijë njerëz. Kjo ishte gjithashtu hera e parë që ajo performonte këngën "Down Bad" pa platformën.
Fansat e saj reaguan pozitivisht në rrjetet sociale.
Një përdorues shkroi në Twitter se ishte befasuar nga performanca e saj, duke e cilësuar Taylor si një profesioniste të vërtetë.
Një tjetër theksoi se edhe pa platformë, ajo arriti ta mbante skenën me stil.
Disa fansa mendonin se shfaqja e saj në tokë e bëri performancën më dramatike dhe të fuqishme, duke shprehur se do të ishte e padëmshme nëse do të kishte ndonjë problem tjetër në të ardhmen. /Telegrafi/
