Manchester Unitedi po i kërkon edhe tri transferime për këtë afat kalimtar veror, derisa Ole Gunnar Solskjaer po e rindërton skuadrën.
Djajtë e Kuq tashmë kanë arritur në Australi për ndeshjet parasezonale, mirëpo trajneri norvegjez po i kërkon së paku edhe tri transferime për sezonin e ri.
Skuadra angleze tashmë e ka siguruar transferimin e Aaron Wan-Bisskas nga Crystal Palace për 55 milionë euro, ndërsa kanë kompletuar edhe transferimin e Daniel James nga Swansea.
Por, Manchester Unitedi është duke planifikuar që deri më 10 gusht ta transferojë një mbrojtës qendror, një mesfushor qendror dhe një sulmues.
Me Paul Pogban dhe Romelu Lukakun, që mund të largohen në këtë verë, skuadra angleze do të jetë në presion që t’i gjejë zëvendësuesit e tyre.
Nga shitja e dy lojtarëve, Djajtë e Kuq do të përfitojnë mbi 200 milionë euro, e që mund të marrin po ashtu dy lojtarë të nivelit të lartë. /Telegrafi/